А КАДЕ ВИ Е МЕБЕЛОТ?

А КАДЕ ВИ Е МЕБЕЛОТ?

Забележана е една случка за неколку христијани кои патувале кон исток. Патем слушнале дека во едно село живее некој мудар и побожен човек, па решиле да го посетат. Кога го нашле, виделе дека стариот мудрец живеел во една сиромашна колиба, а во неа: маса, столче, стар шпорет и неколку ситници. Посетителите биле малку изненадени па еден од нив прашал: – „А каде ви е мебелот?“ - „А каде е вашиот?“ – одговорил стариот мудрец. – „ Како каде, па, се разбира, дома! Секако нема да го влечкам со себе. Јас сум само на пропатување.“ – „И јас сум само на пропатување.“ – им објаснил стариот Божји човек.

[Read more...]

ИСУС НА ДЕНЕШЕН ДЕН, ПРЕД ПРВИОТ ВЕЛИГДЕН – ЧЕТВРТОК

ЧЕТВРТОК
Ден на длабоки емоции за Исус. Проштална вечера со своите ученици, целоноќна молитва во Гетсеманија, изневерување од своите, наместено и злобно сослушување пред Синедрионот… апсење, наместено судење…
Интересно, Исус ја прослави Пасхата со своите ученици, а не со своето семејство. Знаете зошто: тие му беа семејство. Кога човек има емоционални тешкотии, најдоброто место за него е меѓу браќата е сестрите по вера. Жалам што мнозина не го практикуваат тоа.
Жалам што огромното мнозинство од христијаните денес се откажаа од заедничките молитвени часови и од бенефициите на семејното дружење во црквата. Секако, најголеми губитници сте вие, кои им свртевте грб на овие дружења и молитви. Не ги споделувате своите потреби со духовното семејство, па и немате поддршка со молитви за вашите животни потреби. Губите, сигурно. А не е сеедно пред Бога. Се разбира, губитници сме и ние кои доаѓаме во скромен број, зашто понекогаш се чувствуваме како сирачиња или како бездомници кои немаат свое семејство. Немаат пред кого да си ги кажат маките. Ќе смениме ли нешто на ова поле?

ИСУС НА ДЕНЕШЕН ДЕН, ПРЕД ПРВИОТ ВЕЛИГДЕН – СРЕДА

С Р Е Д А (меѓу Цветници и Велигден)

На Исус му преостануваа уште неполни три дена овоземен човечки живот. Како би ги поминал ти, кога би знаел дека тоа ти се последните три дена од животот на овој свет?
Се чини дека Исус си зеде „тајм-аут“. За да се фокусира на своето заминување од овој живот и свет. Да, мислеше на својот погреб (Ев. Марко 14:1-9). Веројатно правеше резиме на својот овоземен живот.
Мудро ќе направиме ако одвреме-навреме и ние размислуваме на завршницата на својот овоземен живот. Што постигнавме, на што го потрошивме времето и здравјето, ресурсите и талентите…? Тоа би можело да ни помогне да извршиме корекции во своите приоритети и да им посветиме поголемо внимание на вечните вредности, на сметка на земните, кои се краткотрајни.

(3) ОД ЦВЕТНИЦИ ДО ВЕЛИГДЕН – Осум дена кои ја променија перцепцијата за животот, смртта, воскресението, прошката, надежта…

ВТОРНИК
На тапет е ставен авторитетот, овластувањето на Исус Христос да ја критикува работата во храмот и да им пресудува на бесплодните. „Со каква власт го правиш тоа?“ – го прашуваа корумпираните свештеници и фарисеите. Тие сметаа дека само „Светиот синод“ на Јудејците може да „хиротонисува“ владици и проповедници на Божјите вистини. А Исус не беше „хиротонисан“ од нив, па, демек, немал легитимитет. Но Исус имаше многу посилен аргумент: Тој ја говореше вистината, Тој беше послушен на сите Божји заповеди. Оттаму произлегуваше Неговото право да проповеда и да критикува.
[Read more...]