25 август

Текст: Евр. 12:25–29

„ЃАВОЛСКО УТРЕ“

„Денес... не стврднувајте ги срцата ваши“. Евр. 4:7.

Библијата е како оган и „чекан што го раздробува каменот на безброј ситни парчиња“. Секој пат кога ќе се сретнеме со неј­зи­ните зборови, веќе во следниот миг не сме исти, туку или сме по­блиску до Бог или подалеку од Него! Едно исто сонце, мразот го топи, но глината ја стврднува. Во 2 Коринт. 2:16, апостол Пав­ле вели: „Кога проповедаме, ние сме за едни животворен мирис, а за други – смртоносен мирис“.

Во една приказна се зборува за еден млад човек кого Бог го по­викувал уште во младоста, но тој го одбил спасението, велејќи де­ка прво планира да се збогати во животот. Направил голема во­де­ница и многу се збогатил. Тогаш Бог пак му проговорил: „Еве се збогати; дали сега си подготвен да го примиш вечниот живот?“ Но, човекот овој пат бил многу зафатен околу работата и пов­тор­но одбил. Набрзо потоа, тој тешко се разболел, при што неговата же­на викнала проповедник. Неговиот одговор бил: „Сè што слу­шам е бучењето во мојата воденица. Го гледам Исус како ми збо­ру­ва, но не можам да го слушнам. Гледам дека нешто ми зборува, но не можам да чујам што ми вели, од бучењето на воденицата!“ Ве­ќе било доцна! Заминал во вечен пекол. Ако денес го затвориш уво­то за Неговиот глас, утре ќе биде уште потешко да го чуеш. „Де­нес, ако го чуете гласот Негов, не стврднувајте ги срцата ваши“. (Евр. 4;7).

„‚За малку‘ убеден, обратен!

‚За малку‘ сосем новороден!

На Духот велиш ли: ‚Сега Ти оди си!

Јас ќе те повикам, некој друг ден!‘“  (ХП–293)

„ВЧЕРА, Е ЗАСТАРЕН ЧЕК;

УТРЕ Е САМО ПОТЕНЦИЈАЛЕН ЧЕК;

ДЕНЕСКА Е ГОТОВИНСКИ ЧЕК – НАПЛАТИ ГО!“