Текст: 2 Коринт 11:16–33
ЖИВИ ПРИМЕРИ
„Затоа, ве молам, угледувајте се на мене.“ 1 Кор. 4:16 „... на верните да им служиш како пример... “ 1 Тим. 4:12.
Нашиот врвен пример во сè е Исус Христос, па кога ние земаме примери од Него, треба исто така да служиме како пример за другите луѓе. Павле порачува: „Земајте пример од мене“, не за-тоа што се гордее со тоа, туку затоа што сака на другите да им покаже да видат што направил Бог во неговиот живот. На Тимотеј му вели: „Биди им на верните пример во зборот, во начинот на живеење, во љубовта, во духот, во чистотата“.
Да земаме пример од Божјите слуги може да биде добра практика. Евангелизаторот Муди, на пример, бил добар пример во многу работи, а особено во ревноста. Пред да стане познат, тој во неделите почнал да одржува часови со деца во една сала во близина на градскиот пазар. Во текот на седмицата работел како трговски патник за чевли и чизми, но секогаш се враќал во градот во саботата навечер. Следното утро, станувал многу рано и ја подготвувал салата за неделните поуки. Ќе исчистел, ќе ги средел столовите и потоа ќе излезел на улица да ги повикува момчињата и девојчињата во училиштето. По два часот ќе ги распуштел децата и тргнувал да ги посетува децата кои биле отсутни тој ден, а притоа ја користел можноста да разговара и со нивните родители и соседи.
Многу христијани во минатото претставувале вредни примери. Од нив можеме да ги примиме нивните квалитети и така да бидеме примери за другите. Не можеме сите да бидеме големи црковни водачи, но можеме да бидеме добри примери.
„Сакам за Исус да бидам јас
еден сончев зрак!
Секој ден силно да блескам,
да бидам светло в мрак!“ (ХП–191)
„КАПКА ПРИМЕР ВРЕДИ ПОВЕЌЕ ОД РЕКА СОВЕТИ“.