8 јануари

Текст: Исаија 53:7–12

ОТФРЛЕН СПАСИТЕЛ!

„Дојде при своите и своите не Го примија“ (Јован 1:11).

Господ Исус беше свет и непорочен во секој поглед. Целиот свој живот Го проживеа правејќи добро. Па, сепак, иако беше без ма­на, светот го отфрли, го обвини дека е опседнат со демони и на кра­јот го распна на крст. Дури и денес, поголемиот број луѓе Му се ругаат без трошка почитување. Таквата страшна неблаго­дар­ност е најсигурен доказ за човековата расипаност.

Некој христијанин рибарел со својот чамец. Околу полноќ, слуш­нал како нешто тешко плеснало во водата. Знаејќи дека ри­ба­рот од соседниот чамец цел ден пиел алкохол, без двоумење скок­нал во водата, допливал до давеникот и со големи напори го ка­чил на чамецот. Таму му дал вештачко дишење, го завиткал во ќе­бе, а потоа се вратил пливајќи до својот чамец. Утредента, оти­шол да го посетил својот сосед, за да провери дали е сè во ред. „Да не ти е грижа!“ – му рекол рибарот. Христијанинот го пот­се­тил дека го ризикувал својот живот за да го спаси. Но, наместо бла­годарност, добил една вреќа пцости! Со солзи во очите, хрис­ти­јанинот си заминал. Погледнувајќи кон небото се помолил: „Гос­поди, кога ќе си спомнам како се однесуваа луѓето кон Тебе, ме опфаќа длабока тага. Сега почнувам да сфаќам како се чувст­ву­ваше Ти“.

Дали Му го вртиш грбот на Божјиот Син, Кој стори толку мно­гу за да те спаси? Ако Го одбиеш, те очекува страшна суд­би­на. Што ќе сториш ТИ со Господ Исус Христос?

„Никој не Го сакаше, никој од нас.

 Никој не Го примаше, ниту час.

 Беше роден во јасли, како сираче:                              

 Напуштен, напуштен, оставен сам“ (ХП–37).

„АКО СЕ СВРТИШ ПРОТИВ СПАСИТЕЛОТ,

ГО ДОБРОСУВАШ КРВНИКОТ!“