10 јануари

Текст: Псалм 139:1–13

ПОГЛЕДНИ И ГОРЕ!

„А Јона стана да бега... од Господа“ Јона 1:3.

Колку безумно постапуваат луѓето кога се обидуваат да се скри­­јат од Бог! Јона слезе во потпалубата на бродот и сакаше да се скрие од Бог. И денес многумина живеат како да е Бог глув ка­ко камен, или слеп како лилјак. Но, во Библијата се вели: „Очи­те Гос­подови гледаат по целата земја“ (2 Дневник 16:9). Давид пи­­шу­ва во Псалм 139: „Господе! Ти знаеш кога седнувам и кога ста­ну­вам... кога одам и кога се одморам, Ти си околу мене и си­те мои патеки ги гледаш. Уште не дошол зборот на мојот јазик, а Ти, Гос­­поде, ете, сè знаеш“.

Зошто се обидуваме да скриеме нешто пред луѓето? Затоа што би се срамеле од нив. И многу луѓе мислат дека се чисти, са­мо затоа што другите не знаат за нивните неправедни постапки. НО ИМА ЕДЕН кој сè знае, сè гледа и сè слуша. Ако не сме свес­ни за тоа, правиме голема грешка; треба секој ден да го чита­ме псал­­мот 139.

Татко и син оделе на нива и поминале покрај една нива со бос­тан. Таткото влегол да скине една лубеница, а на синот му ре­кол: „Добро гледај и налево и надесно да не нè види некој“. На тоа синот му одговорил со прашањето: „А нагоре? Треба ли да гле­­дам и нагоре, да не нè види некој од горе?“

Да, најважно е да погледнеме горе и да се потсетиме дека Бож­јото око будно нè набљудува во секој миг. Како се однесуваш ко­га никој од луѓето не те гледа?

„Не си осамен, не си сам;                                                

Бог те следи секој час,

Не си осамен, не си сам“. (ХП–112)

„ТВОЈОТ КАРАКТЕР СЕ ОТКРИВА КОГА НИКОЈ НЕ ТЕ ГЛЕДА“