29 јануари

ОД СÈ СРЦЕ

 

„Секој да дава од сè срце, а не со жал или принуда; оти Бог го љуби оној што од срце дава“ 2Кор. 9:7.

 

Проповедникот на една црква решил да ги провери своите чле­нови во врска со дарежливоста. Така, дошол и кај еден зем­јо­де­лец и го прашал: „Кога би имал две ниви, дали би ја дал едната за потребите на Божјата служба?“ – „Се разбира! Само кога би имал две, едната би ја дал“ – рекол земјоделецот. „А кога би имал заш­теда од 100 милиони денари, дали би ги подарил половината за црковните потреби?“ – „Се разбира! Само кога би имал 100 ми­ли­они!“ – пак решително одговорил селанецот. Проповедникот про­должил: „А кога би имал две свињи, дали би ја дал едната?“ На тоа прашање, селанецот малку се замислил и плашливо рекол: „Ова не е чесно; ти знаеш дека имам две свињи!“

Иако ова е само пример, во него има важна лекција за секој од нас. Таа покажува дека лесно може да се вети тоа што го не­маш, но тешко се дава од тоа што го имаш. Честопати ја пееме пес­ната: „Сè му предавам на Исус, од срце, доброволно... “, а во прак­тиката тоа „сè“ се сведува на ништо. Или, пак, даваме од чувст­во на одговорност пред другите. Запомнете: ако не е од сè ср­це, Бог не го смета за дарежливост!

 

„Сè Му предавам на Исус

 од срце доброволно;

Нему вечно ќе му служам,

 за Него ќе живеам“

 

            Сè Ти предавам, сè Ти предавам

на Тебе, мој Спасител мил,

сè Ти предавам. (ХП–193)

 

„АКО НЕ ИЗЛЕГУВА ИСТОВРЕМЕНО

 И ОД ЏЕБОТ И ОД СРЦЕТО – ТОА НЕ Е ДАРЕЖЛИВОСТ!“