Текст: 1 Кор. 16:9–24
БРАТСКА ПОДДРШКА
„Ако пак, дојде Тимотеј, гледајте помеѓу вас да не биде во страв“. 1 Кор. 16:10.
Внимавајте да не биде изложен на понижување кога ќе дојде да ве посети! Така порачува Апостол Павле за неговиот син во верата – Тимотеј. Павле ја познавал добро Коринтската црква и затоа ги предупредува да не го унижат (1 Корин. 16:11). И по десет години, Тимотеј сè уште е „момче“ во очите на Павле; во 1 Тим. 4:12, вели: „Никој да не ја презира твојата младост“. Тој е млад и потребно му е храбрење, а не критики. Потребни му се молитви, а не цензури. Дали вашиот пастор е млад, неискусен човек кој може лесно да згреши? Не презирај го, туку гледај да му помогнеш!
Ова се однесува и за новообратените. Колку сме ние склони да им се потсмеваме и да најдеме грешка во нивните сведоштва! Колку од нив се обесхрабрени и збунети од нашето однесување кон нив, кога ја презираме нивната младост. Уште денес, обиди се да бидеш пољубезен кон новообратените христијани. Уште денес, кажи му на твојот проповедник дека се молиш за него и дека го цениш неговиот искрен и понизен труд. Кажи му што ти се допаѓа кај него, а што не ти се допаѓа – кажи му го само на Господ! Не плашете го младиот Тимотеј!
„Кога во тивок кат имаш молитва:
спомни си за мене!
Имам потреба, знај, скоро секој час,
моли се за мене!“ (ХП–90)
„ЈАЗИКОТ КОСКИ НЕМА, А КОСКИ КРШИ“.