14 јуни

Текст: 1Мој. 50:15–21

ПРОВЕРКА НА ПРОШТАВАЊЕТО

„Затоа не плашете се; Јас ќе се грижам за вас и за вашите деца“. 1Мој. 50:21.

Кога браќата го посетија Јосиф во Египет, барајќи храна од него, Јосиф се соочи со едно искушение. Многу години пред тоа, браќата му се закануваа дека ќе го убијат, а подоцна го продадоа како роб. Но, Јосиф им прости. Дури и откако нивниот татко умре, тие се плашеа Јосиф да не им се одмазди, но тој ги увери дека целосно им проштава.

Вакво слично тестирање доживеал и еден млад студент, додека студирал теологија. За да може да се издржува, нашол работа како возач на автобус во градот. Еден ден група разгневени момчиња се качиле во автобусот и одбиле да платат. Студентот забележал еден полицаец во близината, па застанал и му кажал за ова. Полицаецот влегол, ги натерал момчињата да платат си заминал. Кога автобусот скршнал на следната улица, децата го запреле автобусот, го ограбиле студентот и го изнатепале. Подоцна полицијата ги привела и било закажано судење. Момчињата биле прогласени за виновни. Тогаш младиот иден проповедник ја увидел нивната тешка состојба, па го замолил судијата нивната пресуда да премине на него, односно тој да ја издржи нивната казна. Судијата и сите присутни се зачудиле. „Тоа е затоа што јас им проштавам“ – им објаснил идниот проповедник. Неговото барање било одбиено, но редовно ги посетувал момчињата во затворот и неколку од нив се обратиле.

Дали и тебе некој ти нанел зло? Дали сè уште го чуваш гневот во тебе? Поучи се од овој млад студент по теологија!

„Ако јас некого сум навредил,

во себичност ,ако сум постапил:

О, Боже мој, Те молам овој час,

Ти прости ми!“(ХП–96)

„ЧОВЕКОТ Е НАЈСИЛЕН ТОГАШ, КОГА

Е ПОДГОТВЕН ДА МУ ПРОСТИ НА НЕПРИЈАТЕЛОТ!“