29 март

Текст: Рим. 12:1–8

ПОСВЕТИ ГО СВОЈОТ ДАР

„Имајќи различни дарови, според дадената благодат, секој да се вежба во нив... “ Рим. 12:6.

Секој христијанин има дарби што може да ги исползува за Гос­под. Но, за да му послужат на Христос нашите способности тре­ба да се придружени со желба да ги развиваме и со пос­ве­ту­ва­ње.

Бертолдо де Џовани е непознато име дури и за нај­рев­нос­ни­те љубители на уметноста. Тој бил ученик на Донатело, најголе­ми­от скулптор во негово време и учител на Микеланџело, најго­ле­миот скулптор на сите времиња. Микеланџело бил 14-годишно мом­че кога дошол да учи кај Бертолдо, но неговата исклучителна дар­ба веќе била очигледна. Бертолдо бил мудар човек, бидејќи ја сфа­тил опасноста во која надарените луѓе често запаѓаат, ис­ку­шу­вани да заостануваат во своето напредување и да не ја раз­ви­ва­ат својата дарба. Еден ден, влегувајќи во своето ателје, тој го на­шол младиот Микеланџело како си игра со една скулптура далеку под неговите можности. Бертолдо грабнал еден чекан и ја ис­кр­шил скулптурата на парчиња, викајќи му на својот ученик: „Мике­ланџело, талентот е евтин, но посветувањето е скапоцено!“

Ако ги развиваме дарбите што Господ ни ги дал, тоа ќе нè чи­ни многу. Но, ако ги занемариме и злоупотребиме, тоа на кра­јот ќе нè чини уште повеќе. Дали си ги открил во себе Божјите по­себни дарби за тебе? Посвети ги за Него! Тоа е првиот чекор да ги исползуваш за Негова слава.

„Сè за Исус, сè за Исус,

сета снага, сиот ум;

сите зборови и мисли,

секој ден и секој час“. (ХП–192)

„ТВОЈОТ ЖИВОТ Е БОЖЈИ ДАР ЗА ТЕБЕ;

ШТО ЌЕ СТОРИШ СО НЕГО Е ТВОЈОТ ДАР ЗА БОГ!“