31 март           

Текст: 1 Кор. 3:1–15                                           

ИЗГОРЕНИ ГОДИНИ!

„А чие дело изгори, тој ќе биде оштетен, а самиот ќе се спаси.“

1 Кор. 3:15.

Еден 29-годишен маж лежел болен на умирање. Како момче по­верувал во Христос, но подоцна бил завлечен од при­мам­ли­вос­та на светот и го заборавил својот Господ. Кога неговиот пастор до­шол да го посети, болниот останал со тврдо срце кон Божјиот Збор. Но, таа ноќ доживеал духовна преродба што го смекнала не­говото срце. Во својот сон тој се нашол на една изложба на рез­би, уметност во која и самиот бил експерт. Многу од неговите ре­мек-дела биле изложени заедно со делата на други уметници. Одед­наш во зградата избувнал пожар. Во својот сон, тој успеал да се спаси, но сите негови дела биле неповратно уништени.

Кога се разбудил, ја сфатил аналогијата на сонот со него­ви­от реален живот. Знаел дека, штом се доверил Христос да го спа­си – ќе оди на небото, но живеејќи го својот живот само за себе, из­губил многу години. Неговите дела биле како дрво, сено и сла­ма. Како резултат на тоа размислување, тој се покајал и се вратил кај својот Господ. Подоцна, кога неговиот пастор повторно го по­се­тил, тој му рекол: „Ти благодарам за твојата посета, но, те мо­лам, нека биде кратка. Наскоро ќе преминам во веч­носта да би­дам со Исус, а за Него знам многу малку. Сакам ова малку време што ми преостанува, да го поминам сега со Него“.

Многу Божји деца ќе заминат во Христовото присуство по  зас­луга на Неговата скапоцена крв, но зад себе ќе остават из­гу­бе­ни години. Да го одбегнеме тоа, предавајќи Му се целосно од овој миг.

„Зарем јас со празни раце,

на небо ќе заминам?                                                                        

Каква служба, каков трофеј,                                                              

пред Него ќе донесам?“ (ХП–269)                                                   

„НЕ ЗАДОВОЛУВАЈ СЕ СО СПАСЕНА ДУША,

А СО УНИШТЕН ЖИВОТ!“