Текст: 2 Мој. 5:19-23; 6:1–9
НЕСФАТЕН!
„(Мојсеј) мислеше дека неговите браќа ќе разберат... но тие не разбраа“. Дела Апостолски 7:25.
Иако Мојсеј се откажа од богатствата и славата на Египет, за да го изведе својот народ од ропството, тие тоа воопшто не го ценеа. Во безброј случаи читаме како Израелците неправедно мрмореа против него, се сомневаа во неговите мотиви и дела. Овој кроток водач, целосно се покоруваше на Божјата волја и стори сè што можеше за доброто на својот народ; па сепак, тие го критикуваа и го потценуваа. За жал, многу Божји слуги и денес страдаат на истиот начин.
Сперџен и неговата сопруга биле наречени скржавци затоа што сите јајца од нивните кокошки ги продавале за пари. Се случувало дури и некој од блиските роднини да им побара неколку јајца, но тие секогаш одговарале: „Ќе добиеш, ако ги платиш!“ Луѓето ги озборувале Сперџенови дека се скржави и алчни, бидејќи секогаш сакале да имаат добивка од маслото, млекото и јајцата. Тие, пак, критиките ги примале кротко. Вистината била откриена дури по нивната смрт. Нивните домашни сметки покажале дека сиот профит го користеле да им помагаат на две сиромашни вдовици, чии мажи сиот свој живот го поминале во службата на Господ. Бидејќи Сперџенови не сакале нивната десна рака да знае што прави левата (Матеј 6:3), не сакале ни да се бранат од озборувањата.
Дали, можеби, и ти си лажно обвинет, иако имаш чисти мотиви и верен си во службата? Не дозволувај тоа да те разочара. Бог ги знае мотивите на твоето срце. Вистината ќе победи!
„Ако другари те презрат,
Исус не те остава!
Да доаѓаме со верба
пред Него во молитва.“ (ХП–93)
„АКО НЕ СИ ДОВОЛНО ГОЛЕМ
ДА ПОДНЕСЕШ КРИТИКУВАЊЕ,
ТОГАШ СИ ПРЕМНОГУ МАЛ ЗА ДА БИДЕШ ПОФАЛЕН!“