Текст: Изреки Солом. 11:23–30
БЕЗНАЧАЈНИОТ АНДРЕЈ
„Тој (Андреј) прв го најде својот брат Симон... и го доведе кај Исус“. Јован 1:41, 42.
Еден верник го сретнал својот проповедник два дена по неделната служба и го прашал: „Не можев завчера да дојдам во црква; кажи ми што проповедаше?“ – „Мојата проповед беше во врска со Андреј“. – му одговорил проповедникот – „И да знаеш само колку интересна личност е тој Андреј!“ – „Кој, Андреј? Па, јас одвај и се сеќавам на него. Тој не напишал ниедна книга; што најде толку интересно кај него?“ – прашал верникот. – „Па – одговорил пасторот – вистина е дека многумина не би го нарекле голем човек, но важно кај него е тоа што секогаш кога се споменува во Евангелијата, тој некого доведува кај Исус! Во Јован 1:42, Андреј го доведува кај Исус својот брат Симон; во Јован 6:8, 9 тој доведува кај Исус едно момче со пет леба и две риби, со кои потоа на чуден начин се нахрануваат 5000 луѓе; во Јован 12:22 Андреј упа-тува кај Исус двајца Грци кои сакале да Го видат“.
Ако повеќе размислиме за Андреј, ќе сфатиме дека без неговата служба не ќе го имавме големиот проповедник на Педесетницата. Според преданијата, еден од двајцата Грци, коишто Андреј ги запознал со Исус, бил евангелистот Лука. Без сомнение, името на Андреј ќе биде овенчано на небото како Божји слуга кој доведувал изгубени души кај Исус.
И ти можеш да бидеш полезен како него. Можеби нема да напишеш ниедна книга, ниту да проповедаш, ниту да пееш во хорот, но затоа можеш да им сведочиш на другите за Исус. Во црквите би имало помалку празни клупи кога би имало повеќе кои би се инспирирале од службата на „безначајниот“ Андреј!
„О, појди и кажи за Тој цар,
појди и кажи на некого збор два за Исус.
Појди и утеши некој, кој не чул за Исус.
Знај има луѓе осамени, луѓе напуштени,
луѓе кои бараат да најдат малку мир“. (ХП–185)
„ДАЛИ ДЕЛОТО Е ГОЛЕМО ИЛИ МАЛО,
САМО БОГ ДА КАЖЕ ИМА ПРАВО!“